Daeth Gwenan yn amlwg fel cantores a thelynores ers rhai blynyddoedd ac mae ganddi ddiddordeb arbennig mewn canu a cherddoriaeth draddodiadol a cherdd dant.

Wedi graddio mewn cerddoriaeth ym Mhrifysgol Cymru Bangor a chwblhau gradd feistr yno mewn perfformio ac ymchwil ym maes cerddoriaeth Cymru, aeth ymlaen i astudio'r delyn yn yr Academi Gerdd Frenhinol yn Llundain, ac yna dychwelodd i'w hardal enedigol ym Mhwllheli.

Bu'n enillydd ym mhrif gystadlaethau telyn a chanu'r Eisteddfod Genedlaethol, Yr Wyl Gerdd Dant a'r Wyl Ban Geltaidd yn Iwerddon, a bu'n cynrychioli Cymru mewn gwyliau megis Gwyl Lorient yn Llydaw, Cyngres Delynau'r Byd yn Nulyn, ac, yn fwyaf diweddar, Celtic Connections, Glasgow a Gwyl Gymreig Gogledd America, Cinncinati. 

Rhyddhawyd ei chryno ddisg cyntaf, 'Y Gwenith Gwynnaf', yn 2006.