[Tradd., trefn. Gwenan Gibbard, Maartin Allcock © Cyhoeddiadau Sain]

Cân werin fywiog ac ysgafn galon yn adrodd hanes amryfal droeon trwstan Gwenni. Cyhoeddwyd hon yn Detholiad Cymdeithas Noddwyr Alawon Cymru 1956, ac yn ôl y detholiad, dyma’r fersiwn a genid yn Nolgellau flynyddoedd yn ôl. Cafwyd y gân gan Mrs Mair Howells, Aberdâr (Mair Roberts, Dolgellau gynt).

Geiriau:

Gwenni aeth i ffair Pwllheli
Dymanigo, dymanigo, ai ai io,
Eisiau padell bridd oedd arni,
Dymanigo, dymanigo, ai ai io.
Rhodd amdani chwech o syllte,
Dymanigo, dymanigo, ai ai io,
Costiai gartre’ ddwy a dime,
Dymanigo, dymanigo, ai ai io.

Gwenni aeth yn fore i odro,
Dymanigo, dymanigo, ai ai io,
Gwerth y chweswllt rhwng ei dwylo,
Dymanigo, dymanigo, ai ai io.
Rhodd y fuwch un slap â’i chynffon,
Dymanigo, dymanigo, ai ai io,
Nes oedd y chweswllt bron yn deilchion,
Dymanigo, dymanigo, ai ai io.

Gwenni aeth yn fore i olchi,
Dymanigo, dymanigo, ai ai io,
Eisiau dillad glân oedd arni,
Dymanigo, dymanigo, ai ai io.
Tra bu Gwen yn nôl y sebon,
Dymanigo, dymanigo, ai ai io,
Y dillad aeth i lawr yr afon,
Dymanigo, dymanigo, ai ai io.

« nol i 'cryno-ddisgiau'