|
Geiriau:
Yn
yr hen oes fodern hon,
Dydd y newydd ganeuon,
Dod â’r dôn yn drydanol
Wna’r electrig rigmarôl,
Ond er gwell, mae ambell un
Yn dal i ganu’r delyn.
Ac os na chlywi ’run gair
O awen yng nghyniwair
Yr alaw, gwranda’r eilwaith,
Ac mi glywi di dy iaith
Yn ddirgel yn y delyn
A’r tannau’n eiriau bob un.
 dwy law’n creu’i halawon
Dawn dweud ydyw nodau hon,
Ac er gwell, mae ambell un
Yn dal i ganu’r delyn
A rhai o hyd yn parhau
I diwnio rhes o dannau.
«
nol i 'cryno-ddisgiau' |
|
|
